وهيه معاك كده بتحس بايه؟
بتبقا فرحان وحاسس بنفسك؟
وهيه بين ايدك كده
بتبقا حاسس انك راجل ؟
بتقول لكل اللى حوليك انا اهوة ياجماعه انا راجل وكبرت مثلا ؟
وانت ماسك السيجاره كده
حاسس انك مختلف يعنى ولا اقوى ولا ايه ؟
المشكله انك بتبقا عارف ضررها وعارف هتوصلك لايه
وبرضو تقول عادى اعبش اللحظه
طب يعنى مش فاهمه
حاجه عارف انها بتضرك وهتيجى ف الاخر هتندم عليها
طب متمسك بيها للدرجادى ليه؟
طب بص
أضرار إدمان النيكوتين
- زيادة نسبة أمراض القلب والشرايين
- زيادة نسبة أمراض الرئتين وحدوث السرطانات المختلفة
- زيادة نسبة أمراض الجهاز الهضمى وخاصة القرحة
- حدوث ضعفى جنسى مبكر ناتج عن ضعف الغدد الصماء المفرزة للهرمونات اعوذ باللهية
- تأثير مباشر على جنين المرأة الحامل ونقص الوزن وتأخر نمو وحدوث الموت المفاجئ للجنين أحياناً
- زيادة نسبة إصابة الأطفال بأمراض الرئة والتهابات الأذن الوسطى الناجمة عن الإستنشاق السلبي لتدخين الكبار
- التدخين سبب رئيسي للعجز اعوذ باللهي في الرجال حيث يؤدى إلى نقص الدماء لضيق الشعيرات الدموية مما يعيق تدفق الدم إلى الأعضاء
افهم بقا حبك فيها ايه يعنى ؟
ولا هوة مثلا نظام فرد عضلات ادام الشباب وبعضهم
وان البنات هيقولو ده كده راجل
مش عارفه ايه المبرر بتاعك يعنى
ع اد مانا عارفه انك لو بتشرب سيجارة صعب تسيبها بسهوله كده
بس حاول
فيها ايه لما تقلل الموضوع لحد مايتنهى خالص
محدش هيخسر غيرك ف الاخر
ومحدش هيحس ان شبابه ضاع غيرك برضو ف الاخر
وبس ياريت نفتكر ان صحتنا دى امانه ف ادينا لحد يوم القيامه
هتيجى وربنا هيسألكـ عليها
ياترى هتصون الامانه ؟!!
