الحوار اللى حصل ده بيني وبين بنت يعني تاخد
بالك انت وهو وهي
تليفوني بيرن ارن ارن طبعا رديت
-الو مين معايا
انا يارامي
- انتي مين (فكر هي مين البت دي تكون البت دي علياء ولامنال ولا هناء ما تركز ياعم وافتكر)
- انت لحقت نسيتني بسرعه كده
-لالالالالالالالا طبعا انساكي ازاي دي تيجي حد يقدر ينساك ياقمر(يادي النيله السوده مش عارفها)
-طيب انت عامل ايه ؟؟؟؟
-انا الحمد لله كويس
-طيب عملت ايه ؟؟؟؟؟
-في ايه !!!!!!!!!!!!!!!!!!!!!!!!!!!!!!!
-انت مش قولت انك هتكلم بباك وتيجي عندنا ؟؟؟
-سوري ياحبيبتي بابي مسافر بره اليومين دول (منيا القمح )
طيب هيجي امتي ؟؟؟؟؟؟؟
- قريب (هي البت دي لزقه ولا ايه بالضبط )
- ده انا كلمت صاحبتي عليك وعلى اخلاقك !!!!!!!!!!!!!!!!!!!!!!!!!
- والله بجد (يادي النيله السوده والمهببه بالهباب الاسود يارب ما تكون تعرفني )
- انت على فكره انسان مهذب قوي ومحترم وابن حلال
- ربنا يخليكي يارب (برضه مش جاي عشم ابليس في الجنه )
-انت تعرف فيه محمد ابن الجيران بيتقرب ليا وعايز يتعرف عليا وانا رافضه طبعا
-!!!!!!!!!!!!!! والله بجد (تلاقيكي بتهشي وتنشي اساسا ومش لاقيه حد ومش جاي برضه )
- انا بحبك قوي
- وانا كمان (بحب ابويا وامي بس وبحب علبه السجاير اللى في جيبي )
-طيب ياحبيبي انا هقفل دلوقتي علشان الشحن هيخلص
- بسرعه كده خليكي شويه (يالهه اقفلى وروحي كلمي غيري بقي علشان انا مش فاضي )
-معلشي ياحبيبي غصب عني
-اوك ياحبيبتي (مش عايز اسمع صوتم تاني انا هغير الرقم يادوب هاخد من عليه ارقام سعاد وفريال واسماء ورقيه بس وهرميه )
طبعا الحوار اللى حصل ده من نسج خيالى انا يعني مش حقيقي بس اكيد بيحصل مع البعض اكرر مع البعض
أخوتي في الله
هدف الموضوع انه العلاقات تبني عن طريق الموبايلات او النت كلها علاقات هشه ليس لها اساس فاحذزي اختي المسلمه من هذا
وانت يااخي المسلم احذر انت ايضا حتي لا ترتكب اثم قد تندم عليه ولا تستطيع التكفير عنه
واعلم دائما من عمل يعمل ولو بعد حين
اتمني اني اكون قدمت موضوع ذات هدف ومضمون ويلقي الاستحسان لديكم
الموضوع غير منقول
واذا اردت نقله فلا تنسى كاتب الموضوع بالدعاء
